Laudioalde Institutuan matrikulatzen naizen bigarren aldia da. Lehen aldiz oso gustura egon nintzen, Fabrikazio Mekanikoko Produkzioaren Programazioko Goi Mailako Zikloa egiten, eta Fabrikazio Adimenduneko Espezializazio Ikastaroa egitera animatu nintzen. Hainbat enpresa bisitatu dizkigute eta harrigarria da barrutik dena nola dabilen ikustea, oso aberasgarria iruditu zait. Oso pozik nago espezializazio hori aukeratu dudalako, ezagutza berri asko eskuratu ditudalako, eta, zalantzarik gabe, beste ate profesional bat irekitzen zaidalako gomendatzen dut.

8 urtez beste sektore batean lan egin ondoren, nire bizitza aldatu behar nuen. Muntaiaren munduak asko erakartzen ninduen, eta mekatronika industriala ikastea erabaki nuen. Konturatu naiz hartutako erabakia egokia dela. Horretaz gain, Ulmak eskaintzen didan trebatzeko aukera eta jaso dudan laguntasuna.

Mutil askorekin egiten dut lan, baina jakin behar dugu, emakumeok gauza berberak egin ditzakegula. Emakume edo gizon izateak berdin dio, ezagutza berberak toki beretik ikasten ditugulako. Anima zaitezte esperientzia oso ona da eta, zure etorkizuna lan on batean ikusten duzu, eta lanbide-heziketak bide honetatik eramango zaitu.

LHko 1. mailan Elektrizitatea aukeratu nuen gehien atsegin zitzaidan zikloa zelako. Elektrizitateko zikloan izena ematen lehen emakumea izan nintzen. Urte haietan ez nuen gremio honetan lan egiten zuen emakumerik ezagutu eta bertan konturatu nintzen garrantzitsuena jarrera dela eta hor dagoela arrakastaren gakoa.Duela gutxi MGEPn ASIR amaitu nuen, eta Windows-en karpeta bat nola egin ez jakitetik, sareekin, sistemekin, web-diseinuarekin eta abarrekin gozatzera pasatu dut. Aurten Zibersegurtasuneko Zikloa ikasiko dut informatikan espezializatzeko. Nire ibilbide pertsonalean zein profesionalean, ilusioz, lanez eta gogoz nahi duzuna lor dezakezula konturatu naiz. Gure bihotzak agindutakoari jarraitu behar diogu.

Ingeniaritza Teknikoa ikasi nuen espezialitate mekanikoan, gustatzen zitzaidalako. Batzuetan, gure buruari egin beharreko galdera da: Zergatik ez? Nire kasuan, Euskadin nire espezialitateko funtzionario lanpostua lortu zuen lehen emakumea izateko balio zidan. Hogei urte baino gehiago daramatzat IURRETA LHIIko Fabrikazio Mekanikoko Mintegian irakasten. Ikastetxeko zuzendaritza- taldeko kide izan naiz, ikasleekin hainbat ekimen bultzatu eta proiektutan parte hartu dut (eta egiten jarraitzen dut): EUSKELEC, Precious Plastic, Iurretoys… Ikasturte honetan, Industria-Mantentzearen Digitalizazioa espezializazio-ikastaroaren lehen promozioaren tutorea naiz. Nire lana gustatzen zait, ikasleekiko harremana, erronkei aurre egitea. Eta nire buruari oraindik galdetzen diot: Zergatik ez?